සිදු වු දෙයින් ජැකීගේ දෙනත පුළුල් විය. ඇගේ අත තදින් අල්ලාගත් මියුලින් එය වේගයෙන් පහත හෙලා කිසිවෙකු කිසිවක් සිතන්නට ද පෙර ජැකී බිම පෙරළා දැමුවා ය. කෙතරම් තර හා ශක්තිමත් වුව ද මියුලින්ගේ දෑත් හමුවේ ජැකීට ගැළවිමක් නොලැබිණ. ඇය උඩු අතට බිම ඇද වැටුණා ය. මියුලින් ඇගේ සිරුර මත හිදගත්තේ ජැකීට දෙපා සෙළවීමට පවා නොහැකි වන පරිද්දෙන් තම දෙපයින් ඒවා සිර කරගනිමිනි. ඒ වන විටත් ඇය ජැකීගේ ගෙළ අත හැර තිබුණේ නැත. ජැකී ගළවාගන්නා අදහසින් පිනී එතැනට දිව ගියා ය.