ජීවිතයත් එහෙන් මෙහෙන් පැටලී යළිත් පිලිවෙළකට ගමන් කරනු ඇතැයි මට සිතේ. හැම දෙයකම අරගලයක් යැයි හිතුණාට එතැන ඇති අරගලයක් නැත. සියල්ල එහාට මෙහාට චලනය වී ටිකක් එහා මෙහා වී ජීවිතවල යම් යම් දේ වෙනස් කරයි. අනතුරුව යළිත් පිළිවෙළකට ගමන් කරයි. ඡීවිතයේ රිද්මය එයයි. එනිසා හඬා වැලපීම්, අත්පොළසන්දීම්,ජය සැමරුම් ජීවිතයට අවශ්‍ය නොවේ යයි මට සිතේ.

"එන දේකට මූණ දෙනව ගෝති..හැමෝටම එක එක දේ කරන්න හේතු ඇති. යසස් වුණත් නරක මනුස්සයෙක් නෙවේ. ඒත් මිනිස්සු හොඳ හරි නරක හරි වෙන්නෙ ඒ අය අතරෙ තියෙන සම්බන්ධතා නරක් වුණාම..

මම කීවෙමි. ජීවිතයට උවමනා සම්බන්ධතාය. බැඳීම්ය. එහෙම මිස නරක හෝ හොඳ කියා මිනිසුන් ලොවේ නැත.