අපෙ ගුරුතුමා සහ හිත හොඳ වෙදතුමා

අපේ තාත්තා චන්ඩියාය

“සේකර සර්... සේකර සර්....”මිහිරගෙ පන්තිභාර ගුරුතුමී කලබලෙන් පස්සෙන් දුවන් එනව දැක්ක සේකර සර් නැවතුණා.
“ඇයි සපුමලී මිස් කොලුව මොකක් වත්....”
“මේ බලන්නකො සර් මිහිරගෙ රචනාව”
මිහිරගෙ ගුරුතුමී හිනාවෙවී පොත සේකර සර් අත තැබුව.
ඒකෙ බෝල රවුම් අකුරුවලින් මෙහෙම ලියල තිබ්බ.

මගේ වීරයා මගේ තාත්තායි..
තාත්තා අපේ පාසලේ උප විදුහල්පති තුමායි..
තාත්තා අඳින්නේ සුදු පාටය..
තාත්තා මට කෑම ඇදුම් පොත් සෙල්ලම් බඩු අරන් දෙන්නේය...
තාත්තා මට ආදරේය..මාත් තාත්තාට ගොඩක් ආදරේය

අපේ තාත්තා චන්ඩියාය
එහෙත් අම්මාට බයය.
*******************************************************

සිගරට් බීම

සේකර සර් දැන් හෙරොයින් අල්ලන්න පුහුනු කල පොලිස් සුනඛ පෝතයෙක් වගෙ ම්හ් .. ම්හ් .. ගගා ඉව අල්ල අල්ල අල්ල කොලු පැටව් පේලිය පරීක්ශා කරනව.

කොලුවන්ගෙ පපුව ගිඩි ගිඩි ගාලා ගැහෙනව සර් ට හොඳට ඇහෙනව. සිගරට් සුවඳත් හොඳට දැනෙනව. ප්‍රින්සිපලුත් කුඩු අල්ලන්න ගිය ලොක්ක වගේ ප්‍රතිඵල බලාගෙන ඉන්නව වේවැලෙන් අත්ල පිරිමැද පිරිමැද..

පාරක් දෙපාරක් එහෙට මෙහෙට ගිය සේකර සර් නැවතුණා. කොලුවන්ගෙ හදවතත් නිමේශයකට නැවතුණා..

"මුන් බීල නෑ සර් ... " සේකර සර් කිව්ව.

කොලුවො තුශ්නිම්භූත වෙලා බලා ඉන්නව.