ස්ත්‍රිය නමැති සිතියමෙහි මාවත් හතක අප රැගෙන යන කතා හතක් මෙහි සම්මුඛ වෙයි. ඉතා සාමාන්‍ය සේ පෙනෙන තැනකින්, සීදුවීමකින්, දෙයකින් පටන් ගෙන විවිධ සංකීර්ණ මාවත් ඔස්සේ ඒ සංචාරය සිදු වෙයි. ඒ මාවත් පාර කියන්නේ ස්ත්‍රී ආත්මය වෙතටය. ස්ව ආත්මීයත්වය පිළිබඳ ස්වච්ඡන්දතාව අහිමි වී යාම, දෙන ලද සංස්කෘතික නිර්මිත තුළට තම පැවැත්ම ඌනනය වීම වැනි තේමාත්මක මාවත් ඔස්සේ සිදුවන මේ කැටුව යාම, පාඨකයාගේ සිතීම් කලාපයේ ස්ත්‍රී - පුරුෂ මනුෂ්‍ය පැවැත්ම පිළිබඳ නව සිතියමක් නිර්මාණය කරනු සමත් වෙයි.