"එතකොට ඔයාට ඕනේ මාව පෙන්නලා අම්මව රිද්දන්නද දීප්ත..?”

මම ඇස් පියාගත්තේ වාහනය නැවතුණු වේගයට. තව තත්පරයක් යන්න කලින් දීප්තගේ අතක් ඇවිත් මගේ බාහුවක තද වෙද්දී මම ඇස් පියාගෙනම හිටියේ කරකියාගන්න දෙයක් නැතිව.

"ඔයාට මාව එච්චරටම පහත් මනුස්සයෙක් වගේ පේනවද කවිත්‍රී..?”

"නෑ දෙයියනේ.. ඒත් මගේ ජිවිතේට ඔයා හොඳ වැඩියි දීප්ත. මන් වගේ අරටුවක් නැති ගෑනියෙක්ට වඩා ඔයාගේ ජිවිතේට වටින්නේ ඔයාට උදව්වක් දෙන්න පුළුවන් ගැනියෙක්. මම හැම පැත්තෙන්ම දුර්වලයි දීප්ත..”

මම මගේ වචන සාධාරණීකරණය කරගන්න දගලද්දී, දීප්තගේ තර්ජනාත්මක ඇස් මගේ මුණ උඩට කඩාගෙන වැටුණේ මම බලාපොරොත්තු වෙච්ච විදිහටම.