භාවනාවෙන් සිත දියුණු කරගත් නේරංජනී මෑණියෝ අසරණයන්ට නිරන්තරයෙන් පිහිට වූ බෞද්ධ කාන්තාවකි. පස් පව් දස අකුසල්වලින් තොර භාවනානුයෝගී ජීවිතයක් ගත කළ එතුමිය කිසියම් ලෞකික ධ්‍යානයක් ලබා තිබුණායැයි සිතිය හැකිය.

මනුශ්‍යයන් මෙන්ම අමනුශ්‍යයන් සමඟද වචන හුවමාරු කරගත හැකි ආධ්‍යාත්මික බලයක් හෙබි මේ මෑණියෝ බොහෝ අවස්ථාවල දෙවියන් සමඟද කතාබස් කළාය. තිරිසන් සතුන් මෙන්ම ප්‍රේතයන්ගේ දුක් අඳෝනාවන්ට පිහිට වෙමින් ඔවුනොවුන්ගේ අවශ්‍යතාවන් පින්දහම්වල යෙදමින් ඉටුකර දුන්නා පමණක් නොව එම අමනුශ්‍ය ආත්මවලින් නිදහස්කර සුගතිගාමී කරන්නටද පිහිට වුණාය.