ඉඩංනඩුව සහ තවත් කතා

කෙටිකතාව යනු එක් වර ම කෙටූ විදුලියක් සේ මහා පෙදෙසක් එළි පෙහෙළි කරන්නා වූ ගුණයෙන් යුත්තක් විය යුතු යැයි එක් මතයකි. කෙටි කතාව යනු ජීවිතයේ හරස් කඩකැයි ද තවත් අදහසකි. කෙටිකතාව යනු කැඩපත් ගෘහයක් යැයි තවත් මතයක් පවතී.

හේම විදානපතිරණයන් ගේ මේ කතා මට දැනෙන්නේ කැඩපත් ගෘහයක් ලෙසය. අව්‍යාජ ගැමි ජීවිතය සහ එහි සීමාවන් තුළ පැවති ප්‍රේමය, සහජීවනය, උස් පහත් කම්, නොපනත් කම්, පවුල හා සමාජය, ඔවුන් ගේ වටිනාකම්, හර පද්ධතීන් මෙන් ම ඒ සියල්ල අතරින් පාරම්පරික ගැමි සංස්කෘතිය තුළ සිදුවන ජීවන අරගලයේ පිළිබිඹු මේ කැඩපත් තුළින්, විවිධ කෝණයන් ඔස්සේ විවිධ පුද්ගලයන් ට දැකිය හැකි වනු ඇත.

සුදර්මා සුභාෂිණී
ප්‍රවීන ලේඛිකා