ගිලුණු නැව සොයා ගත් වීරයෝ

'ගිලුණු නැව සොයාගත් වීරයෝ' යනු මගේ සයවැනි යොවුන් නවකතාව යි. මීට පෙර මා ලියූ 'අභයභූමිය', 'අහස පොළොව ළංවෙලා', 'සැඟවුණු ලෝකය', 'සොර නැව බිලි වුණු සුනාමිය' හා 'පසු නොබසිමි' යන යොවුන් නවකතා පාඨක ප්‍රචාරක ප්‍රශංසාවට භාජන විය. එමෙන් ම 'අභයභූමිය', 'අහස පොළොව ළං වෙලා', 'සොරනැව බිලි වුණු සුනාමිය' හා 'පසු නොබසිමි' යන යොවුන් නවකතා හතරට ම රාජ්‍ය සම්මාන හිමි වී තිබේ. ඇතැම් යොවුන් නවකතා පහළොස්වැනි මුද්‍රණය ද පළ වී ඇත.

මගේ මේ නවතම යොවුන් නවකතාව 'සොර නැව බිලි වුණු සුනාමිය' නමැති කතාවට සමාන සමුද්‍ර පසුබිමක් මත ලියැවී ඇත. එ නමුත් ඒවා යේ තේමාවන් හා චරිත එකිනෙකට ඉඳුරා වෙනස් ය. වස්තු විෂය ද තේමාව ද 'අභයභූමිය' නවකතාවේ සිද්ධිදාමය සිදු වන්නේ කල්පිටිය පැත්තේ කලපුවට අයත් රහස් දූපතක ය. එ නමුත් මෙම නවකතාවේ සිද්ධි පාදක වී ඇත්තේ මන්නාරමට බිඹියෙන් පිහිටි සමුද්‍රයේ ගිලුණු නෞකාවක් පසුබිම් කරගෙනය.

එමනිසා මෙම නවකතාවේ වස්තු විෂය, පාඨක ඔබට නව ම අත්දැකීමක් වනු නිසැක ය. මෙම යොවුන් නවකතාව ඉතාමත් අභිමානයෙන් යුතු ව පාඨක ඔබට මෙසේ පිරිනම මි.