සමන් මහානාම දිසානායක මහතා ප්‍රසිද්ධ නවකතාකරුවකු ලෙස ශ්‍රී ලංකාවේ පාඨකයන් හඳුනාගෙන ඇත. ඔහු වසර 2000 දී බඹරැන්දේ කඟවේනා නමැති ඔහුගේ පළමු නවකතාව පළ කළ අතර ඉන් පසු තවත් නවකතා 12ක් ඔහු ශ්‍රී ලංකා පාඨකයන් වෙත පිරිනමා ඇත.

එම නවකතා අතරෙන් හෙළිදරව් වන විශේෂත්වය නම් සමාජයේ විවිධ අවස්ථාවලට මුහුණ දෙන මිනිසුන්ගේ මානසික ස්වභාවය නිරූපණය කිරීමේදී නව මං සොයා යාමට ඔහු දැරූ ප්‍රයත්නයයි.

ශ්‍රී ලංකාවේ ජනවාර්ගික යුද්ධයට මැදි වුණු මිනිසුන්ගේ ජීවන අරගලයත්, විදේශගත ශ්‍රී ලාංකිකයන්ගේ ජීවන තොරතුරුත් එකට අමුණා නිරූපණය කරන ලද චරිත මේ කතුවරයාගේ නවකතාවල දක්නට ලැබීම විශේෂත්වයකි.

ඔහුගේ අලුත්ම නවකතාව වන "ජීවක ජානක" කතාවට පාදක වන්නේ සියලු බාධක මැඩගෙන සිය අරමුණු ඉටුකරගන්නා තරුණයකුගේ කතාන්දරයයි.

සමන් මහානාම දිසානායක මෙතෙක් පළ කළ නවකතා මෙන්ම මෙම නවකතාවද පාඨක ප්‍රසාදය දිනාගනු නොඅනුමානය.

ප්‍රියානි ගනේවත්ත

ජ්‍යෙෂ්ඨ සිවිල් ඉංජිනේරු