කින්නර නදී

ඉතිහාස කතා බොහොමයක් සත්‍ය සිදුවීම් හෝ ජනප්‍රවාද මුලික කරගෙන ගොඩනගා ඇතත්, මෙම කතුවරිය වෙනස් ආකාරයේ ගලා යෑමක් සහිතව මෙම පොත රචනා කර තිබීම සතුටට කරුණකි. මූලික ඉතිහාස කතාව සෙමින් ගලායාමට ඉඩදී ආදරය, සෙනෙහස , ආගම දහම ගැන සෙමින් තම අදහස් පාඨකයාගේ මනස තුලට කාවද්දනු ලබයි.

ඇය මතුකරන වැදගත් කරුණක් වන්නේ බොහෝ ඉතිහාස රචකයන් සිතාමතා හෝ නොසැලකිලිමත් ලෙස සඟවනු ලැබූවත් වර්ථමානයේ මෙන්ම අතීතයේදීත් සෑම ක්ෂෙත්‍රයන් තුලම කාන්තා දායකත්වයක් තිබෙන්නට ඇති බවයි.

සාම්ප්‍රදායික ආදර කතා වලින් බැහැරට ගොස් ආදරය සෙනෙහස ගොඩනැගෙන සහ පවතින ආකාරය ගැන අපූර්ව ලෙස ඉදිරිපත් කරන ඇය කතාවේ අවසානය දක්වාම එය නිසි ලෙස කළමනාකරණය කරමින් රැගෙන යයි.

ඇයගේ ලේඛන දිවියට සුභ පතමි

කාලෙකට පස්සෙ ආසාවෙන් කියවපු පොතක්... උසස් රසවින්දනයකට පාර කියන අර්ථාන්විත කතාවක්...

ඒ අපේ කතාවද කියලත් හිතුණා... ලෝකෙ යථා ධර්මතාවය අඳුරගන්න, නිවෙන තෙක් හයියක් වෙන ලෝකෝත්තර ආදරයක් ලබන්න ඇත්තටම සසර පින් තියෙන්නම ඕනෙ...

ලොකු background study එකකට පස්සෙ, හරීම පරිස්සමෙන් වචන ගලපමින්, වාරි තාක්ෂණය, බෞද්ධ දර්ශනය, ආදරය, හෙළ ගම්භීරත්වය මැනවින් කියා පාමින් කින්නර නදිය සැනසිල්ලේ ගලා බැසි වගයි…

හදවතින්ම සුභපැතුම්!