පස් වෙසක් ගෙන යක්ෂ කුල කිතු - යසස් මොනවට කියා      පානා

ඇස් තුනෙන් හැම පිරික්සා සිව්  -     අතින් ගති බිලි සියල්        ඕනා

රැස් දෙනා සුදු වතින් සැරසී     -  නිල් කයින් සිත් කුකුස්         ගේනා

අශ්ව මුව එළු බැටළු සූකර    -     පිටෙහි පැමිණේ මහා          සෝනා

දක්ෂකම් පෑ සේන සෙන්පති  -  මොහුයි පෙර පිදු ගැමුණු     සේනා

යක්ෂ ගොත් රජ වෙසමුණිගෙ අණ  - ලබා දස දෙස බලය     පානා

රක්ෂ වෙස් ගත් ඊශ්වර සතු      -    විකුම් පා සමයමේ              පේනා

වෘක්ෂ අතු බිඳ නඟා හූ හඬ       -  සසලවයි සැම මහා             සෝනා

පන්නිපිටිය විද්‍යාලංකාර මහ පිරිවෙන් ආචාර්ය,

රාජකීය පණ්ඩිත,

ලියන්ගහවෙල පඤ්ඤාසේකර හිමි.