විස්කම් යතුරු සහ අකුණු කන්ද

මහාචාර්ය විද්‍යාහර්ථ නිවැරදිය. න්‍යෂ්ටික බලාගාරය ක්‍රියාවිරහිත කර ගැනීමේ ඉක්මන් ක්‍රමවේදයක් නොමැත. තවදුරටත් ඒ පිළිබඳව සිතීමට කාල වේලාව ද ඉතිරිව නැත. තවත් පමා නොවූ සුයාම බලාගාරයේ ආරක්ෂිත දොර වසා දැමීමට අණ දුන්නේය. වසා දැමූ ආරක්ෂිත දොරටුවෙහි රත්රන් යතුර සියතට ගත් සුයාම එය රැකගනු පිණිස රතු ලොවට පලා ගියේ එහි ආරක්ෂාව මත සුවහසක් ජීවිතවල පැවැත්ම රැඳී ඇති බැව් හොඳින්ම දැන සිටි හෙයිනි. එදා සිට සියවස් ගණනාවක් තිස්සේ රතු මලින් ගැවසී ගත් රක්ත වර්ණ කඳු හෙල් අතර රත්රන් යතුර නිහඬව නිසලව බලා සිටිනුයේ එය වටා පැටලුණු ගැටලුවක්ද නව පරපුරට ඉතිරි කරමිනි. මේ වන විට තම පළමු අභියෝගය වූ සමුද්‍ර දේශයේ සැඟවුණු යතුර සෙවීම සාර්ථකව ජයගෙන ඇති අපේ විරු දරුවන්ගේ ඒකායන අරමුණ වන්නේ හැකි ඉක්මනින් රත්රන් යතුර තමන් සතු කර ගැනීමය. රතු ලොව බලා යන ඔවුන් ඉදිරියේ ඇත්තේ අපේක්ෂිත සහ අනපේක්ෂිත ගැටලු රැසකි. එම සියලුම ගැටලු සහ බාධක ඉදිරියේ වුවද ඔවුන්ගේ සිත් තුළ ඇත්තේ තම අරමුණ කරා යාමේ අප්‍රමාණ ධෛර්යය සහ බලාපොරොත්තුවය.