හොරණෑ සිඟාරම් හඬ යටින්

ප්‍රේමයේ කමටහන් නැතිකමින්

අහෝ මගේ සිත රිදෙනවා දැවෙනවා

ඔබේ තුනුසිරි විලෙහි කිමිදී

නො කාලේ අස්වැන්න කිරිවැදී

සෙත් පිරිත් රොන් සුනු ද දිය වී

සිල් බිඳුණු තුන් සිවුර තෙමෙනවා

රසදියට වඩා ගන පෙම් කඳුළු වැටෙනවා

අරහත් ධජය තෙමා ගෙන

නො පෙනී ම කඳුළු බිඳු වැටෙනවා

මගේ සිල් සිත කකියමින් දැවෙනවා

නළියමින් විත් තෙරපෙමින්

පඬු පිපුණු සිවුර යට සඳ දියත් මිදෙනවා