මහනුගේ

මා තේරුම්ගත් පරිදි රහසක්, රහසක්ව පවතින්නේ එය බාහිර සමාජයට අනාවරණය නොවන තාක් කල්ය. කෙනෙකු මිතුරු හෝ සතුරු සිතින් තම සුඛ විහරණය සඳහා හෝ අන්‍යයෙකුගේ හෝ සමාජයේ යහපැවැත්මට හෝ විනාශය උදෙසා රහසක් හෙළිදරව් නොවන ලෙස රැකගන්නවා විය හැකිය. එහෙත් ඒ රහස හෙළිකරගත් තැනැත්තාටම තව දුරටත් ඒ රහස රහසක් ලෙසම මිය යන තුරු ආරක්‍ෂා කිරීමේ වගකීම කරපිටට පැටවුණහොත් එය මොන තරම් ශෝචනීය ඉරණමක් විය හැකිද?

ඒ රහස තම පවුල් ගහට පොරෝ පහරක් මෙන් විනාශය ගෙන එන්නේ නම් රහස රැක්ක හා හෙළිකරගත් දෙදෙනාම කරත්තේ බැඳි ගොනුන් සේ රහස ඇදගෙන යායුතු නොවේද?

මහනුගේ අභිරහස එයයි.