අජන්තා වීරසිංහ

අජන්තා වීරසිංහ සොයුරිය ගුරුවරියක ලෙස ලද දීර්ඝකාලීන අත්දැකීම් සම්භාරය සහ අද සමාජයේ නිරන්තරයෙන් ඇස ගැසෙන සිදුවීම් දෙස තම සංවේදී සිත අවදිකොට නිර්මාණය කරන ලද කෙටිකතා කිහිපයක් පොතක් ලෙස ප්‍රකාශයට පත්වන පළමු අවස්ථාවයි මේ. නිර්මාණකරණයේදී දක්වන ප්‍රතිභාවන් හේතුවෙන් ලේඛන දිවියෙහි ඇගයුමට පාත්‍ර වන ඇය කළුතර සොබාදහම් සිසු හවුලේ උපදේශීකාවක ලෙස ද කටයුතු කළා ය.

කෙටිකතා එකොළහකින් යුතු ‘මුහුද ගොඩ ගැලුවේ නැත” කෘතිය පාඨක ප්‍රජාව වෙත ජනගත වන්නේ කුටුම්භ දිවියේ පවතින ගැටළු නිසා සිය දහස් ගණන් කුටුම්භ ගිනිගෙන දැවෙන කාලවකවානුවක සැබෑ බුදුදහමේ හරය අවබෝධ කර නොගන්නා සමාජ පරිසරයක සිට ය. ඉඳින් අජන්තා වීරසිංහ සහෝදරියන්ගේ ප්‍රථම කෙටිකතා සංග්‍රහය ප්‍රකාශයට පත්වීම සම්බන්ධව සතුටට පත්වන්නෙමි.

ඇගේ ලේඛන දිවිය සාර්ථක වේවායි සුබ පතමි.