උන් මගේ අම්මවයි තාත්තාවයි පණ පිටින් පිච්චුවා. ඒ දෙන්නව පිච්චෙන දුම, දුම් කවුළුවෙන් ඉහළ නැගෙන හැටි මං ඇස් දෙකෙන්ම දැක්කා. ඊට පස්සෙ උන් මාවයි, මගේ අක්කවයි වධ කඳවුරට ගෙනිච්චා.

බඩගින්න... වධහිංසා... ලෙඩ රෝග... අවමන් ... මරණ බය... අපි ඒ හැමදේම දරා ගත්තා.

අන්තිමට...උන් අපිව මළමිනී ගොඩට විසි කළා පණ පිටින්ම; මළමිනී ගොඩේම මැරිලා කුණුවෙලා යන්න !

මිනී ගොඩකට යට වෙලා ඉඳලා පණ බේරගත්ත මට මූණ දෙන්න, ඊටත් වඩා ලොකු අභියෝගයක් තියෙනවද? ඔව්... මට ඊටත් වඩා ලොකු අභියෝගයක් තිබුණා !