පුංචි නවාතැනේ දොරගුලු දැමූ පසු ඈ දුහුල් රාත්‍රී ඇඳුමක් ඇඳගත්තාය. ඉන් මතුවී පෙනෙනා ඇගේ සිහිනිඟද පිරුණු පියොයුරුද දකින්නට කිසිවෙක් නැත. ආලින්දයේ වූ ජනෙල් කවුලුවක් විවෘත කරන්නට ඇයට සිතේ.

හීතල හුළඟට කලවං වුණු ගාඩිනියා මල් සුවඳක් ඉක්මනින්ම කාමරයට රිංගා ගත්තේය. සුළග ඇගේ සියොලඟම සිම්බේය. කන්පෙති හිං සීරුවට පිරිමැද්දේය. දෙකම්මුල් පමණක් නොව දෙතොල්ද සිම්බේය.

ඇගේ දෑතේ හිරිගඩු පිපුණේය. කාමරය ගාඩිනියා මල් සුවඳින් උතුරා ගියේය.