ප්‍රීසියස් රැමොට්ස්වේගේ මෙවර නිවාඩුව ගතවූයේ බොට්ස්වානාහි ගම්බද ප්‍රදේශයක පිහිටි කඳවුරක් තුළ ය. ඒ, ඇගේ නැන්දණිය වූ 'බී’ සමඟ ය. චිත්‍රපට කණ්ඩායමක් සමඟ 'ටෙඩී' නම් වූ සිංහයෙක් කඳවුරට පැමිණීමෙන් ප්‍රීසියස් යම් තරමකට තැතිගැන්මකට පත්වූවා ය.

'ටෙඩී’ රගපාන සිංහයෙකි. එනම් නළුවෙකි. රගපෑම් කටයුතු අතරමඟ 'ටෙඩී' නම් වූ සිංහයා අතුරුදහන් වන්නේ ය. ප්‍රීසියස් සහ ඇගේ යහළුවා වූ කුමෝ මේ අතුරුදහන් වූ සිංහයා සොයා යති. ඔවුන්ට කැලයේ, වන වැදී සිටින සිංහයා සොයා ගැනීමට හැකිවේ ද?