පුංචි කුරුල්ලා

ලියෝ තෝල්ස්තෝයිගේ ළමා කතාවක්
පුංචි කුරුල්ලා
පරිවර්තනය රන්ජිත් ධර්මකීර්ති

රුසියානු ජාතික මහා ලේඛක ලියෝ තෝල්ස්තෝයි (1828-1910) ළමුන් සඳහා අගනා කථා රැසක් ම ලියා ඇත. එම කතා අතුරින් ''පුංචි කුරුල්ලා'' යන පුංචි කතාව මෙම පොතට ඇතුළත් වේ.

මෙම කතාව තුළින් තෝල්ස්තෝයි ළමුන් ගේ සිත් ඇදගන්නා කතාවක් කියන අතර ම වැඩිහිටියන්ටත් ළමුන්ටත් එම කතාව තුළින් අපූරු පාඩමක් කියා දෙයි. ළමුන්ට තෑග්ගක් දෙන විට වැඩිහිටියන් ළමයකුට ගැළපෙන තෑග්ගක් තෝරා ගැනීමට පරිස්සම් විය යුතු යි. ඒ වාගේ ම ළමයින් අම්මා තාත්තාට කීකරු වී ඔවුන් කියන දේට සවන් දිය යුතු යි. අම්මා එපා කියද්දී සේර්යෝසා කුරුල්ලෙකු අල්ලා කූඩුවක දමා ඇති දැඩි කිරීමට යාමෙන් ඔහුගේ හිතේ ඇති වූ දුකට වගකිව යුත්තේ ඔහුගේ හිතුක්කාරකම නො වේ ද?

කුඩා කල දී මෙ වැනි ළමා කතා කියැවීමෙන් ළමුන් ගේ ආකල්ප හා චර්යාවන් වෙනස් කළ හැකි බවට තෝල්ස්තෝයි ගේ මෙම කතාව හොඳ නිදසුනකි.