හෝවි කෙම්ප් ගේ අබිරහස් බාප්පා සවුදි අරාබියේ සිට පැමිණි මොහොතේ පටන් රමෝනා ගේ ජීවිතය වෙනස් වෙයි. රමෝනා ගේ අම්මා රහස් දුරකතන සංවාදවල යෙදෙයි. අතුරුපස කෑම නතර කරයි. බී පුංචි ද රහසක් සඟවාගෙන සිටියි. පුදුම වන්නට කාරණා කොතරම් තිබුණත්, ප්‍රීතියෙන් සිටින, අන් අය ට උදවු කරන ළමයකු වීම රමෝනා ගේ අධිෂ්ඨානයයි. ඈ ප්‍රියමනාප, එඩිතර හෝ ඇතැම් වේලාවට මෝඩ අපරීක්ෂාකාරී වැඩ කරන දැරියක වුවත්, ඈ හැමදාමත් අපූරු රමෝනා යි - සදහට ම!