සැබවින්ම ඔහු මාරාන්තිකය. ආලිංගනයක් පමණක් නොව ඔහුගේ සිපුමක් පවා මට අනතුරුදායක විය හැකිය. එසේ වුවත් එම මාරාන්තික ආදරයේ විෂ දැනටමත් මගේ හදවතේ කපාට වල සිට ශරීරයේ සියලු ම සෛලයන් දක්වා විසිරී පැතිරී ඇත. ඔහුගේ මාරාන්තික ආදරය අසීමාන්තිකව විඳගැනීමට මසිතේ ලෝහී සිතුවිල්ලක් ඇති විය. එම මාරාන්තික ආදරය මරු කැඳවූවත් එහි හිනිපෙත්තටම යාමට මට සිතිනි. සිතින් මෙන්ම ගතින් ද ඔහුගේම වීමට මට සිතිනි. ගින්නක් සදිසි ඔහුගේ ආදරයේ දැවී මියෙන පලගැටියෙකු වීමට මට සිතිනි.