සිය මිත්තණියගේ වියෝවෙන් පසු, හොංකොං නගරයේ වෙසෙන දෙමව්පියන් සමග ජීවත් වීමට ශ්‍රී ලංකාවෙන් පිට වී එන දහනව හැවිරිදි රනීෂා, ඒ නගරයේ නවීන අලංකාරයෙන් සහ විසිතුරු සංස්කෘතියෙන් වශී වෙයි.

කාලය ගත වී යන අතරේ ඈ සහ ඇගේ දෙමව්පියන් අතරත්, සහෝදරිය අතරත් තිබූ සබැඳියාව වැඩි වර්ධනය වන අතර, අලුත් නගරයේදී හමු වන අලුත් මිතුරන් ඇසුරේ, ඈ පෙළමින් තිබූ කාන්සිය කෙමෙන් වියැකී යයි. සිය යොවුන් දිවියට ලැබෙන නැවුම් අත්දැකීම්වලින් පෝෂණය වෙමින්, ඇය පෙරට වඩා විවෘත මනසකින් ලෝකය දකින්නට උගෙන ගනියි.