චිත්‍රපටයකට හෝ ටෙලි නාට්‍යයකට හෝ වෙනත් රූපවාහිනී වැඩසටහනකට හෝ මුල් වනුයේ තිර රචනයයි. තිර රචනයක් ලියමු නම් වූ මෙම කෘතිය වස්තුබීජයක් සොයා ගැනීමේ සිට නිෂ්පාදනයට සුදුසු පූර්ණ තිර රචනයක් ලිවීම දක්වා යා යුතු ගමන් මග වචනයෙන් වචනය පියවරෙන් පියවර හෙළි කරයි. ආදරශ විවිධ තිර රචනා ද මෙහි ඇතුළත් වෙයි. 

'තිර රචනයක් ලියමු' කෘතිය ලියූ සෝමවීර සේනානායක සුප්‍රකට සහ සම්මානනීය චිත්‍රපට සහ ටෙලි නාට්‍ය තිර රචකයෙකි. ජන මාධ්‍ය හා තිර රචනා කලාව පිළිබඳ ආචාර්යවරයෙකි. ලේඛකයෙකි. හිටපු පුවත්පත් කතුවරයෙකි. ජ්‍යෙෂ්ඨ මාධ්‍යෙව්දියෙකි.