"අඩි හාරදහස දක්වා උඩට යමින් චොපරය කඳු මුදුන් කිහිපයක් අසලදී ඒ මේ අතට ඇල විය. මිනිසුන් දෙදෙනා එක්වර නැගිට්ටහ කිසිම වචනයකින් තොරව බල්ලන්ද සමඟම කරත්තය දොරෙන් පිටතට තල්ලු කළහ. මහා බරකුත් සමඟ සතුන් පෙරළෙනවා විද්‍යාඥයා භීතියෙන් බලා සිටියේ මොහොතකින් උන් හා කරත්තය ඔහුගේ දසුනින් ඈත් විය. ආසනයෙන් නැගිටි බ්‍රෝෆි සිත් වේදනාවෙන් කෑගැසීය. මිනිස්සු දෙදෙනා ඔහුව තරයේ අල්ලාගෙන දොර වෙතට ඇදගෙන ආහ. බියෙන් වෙළුණු ඔහු තමදෑත් මිට මෙළවුයේ තමාව පිටතට තල්ලු කරන්නට සුදානම් වන දරුණු අත් සතරින් මිදෙන්නට මෙන්ය පලක් වුයේ නැත. මොහොතකින් ඔහුටද කඳු කුහරයන් අතර ඒවායේ වැදි වැදී ගැටි ගැටී වැටෙන්නට සිදු විය."