තරුණ සංවිධානවල කාර්ය භාරය මනාව පැහැදිළි බව ඔවුන්ට පෙනුණි. එනම් සටන් කොට ධනේෂ්වරය සුන්කර දැමීමයි. එහෙත් ඒ වෙනුවට ලෙනින් යෞවන ජනයාට ඉගෙන ගන්න. ඉගෙන ගන්න. ඉගෙන ගන්න යනුවෙන් කියා සිටියේය. කොමියුනිස්ට් වාදය ගොඩ නැගීම සඳහා ඔවුන් දැනුම ලබා ගත යුතුව ඇතැයි ලෙනින් පැහැදිළි සහ සරල වහරින් ඔවුන්ට තේරුම්කර දුන්නේය. කොමියුනිස්ට්වාදය ගොඩ නැගිය හැකිවන්නේ විද්‍යාව පදනම් කරගෙන. මුළු මිනිස් සංහතියම එක්රැස් කොටගෙන ඇති දැනුම ආධාර කරගෙන පමණකැයි ඔහු ඔවුන්ට පැවසූහ.