අද්භූත සැරිසරන්නා

'අර මැරුණු ඉබාගාතෙ ගිය හාදයගෙ මිනිය එක්ක තිබිලා, මොනවා හරි හොයා ගන්න පුළුවන් වුණා ද?’ සෙල්බි විමසුවේ පර්කිංස් ගෙනි.

'ඔය පොඩිපහේ වොලට් එකකුයි, හදිසි අවස්ථාවකදි දැනුම් දෙන්න කියල විස්තර තිබුණු කාඩ් අනංමනං ටිකකුයි විතරයි. ෆීනික්ස්වල මිනිහට සහෝදරයෙක් ඉන්නවා. පුදුමෙ කියන්නෙ, මේ මනුස්සයා හිඟන්නෙක් වුණාට එයාගෙ සහෝදරයා යමක් කමක් තියෙන හාදයෙක් වගේ පෙනෙනවනෙ....’ මරණ පරීක්‍ෂක හැරී පර්නිංස් පැවසී ය.

ඉබාගාතේ සැරිසැරූ අයෙකුගේ මිනියක්, අතුරුදන් වූ පොත් තබන්නෙක්, ඇඟිලි සලකුණු පිළිබඳ ප්‍රශ්නයක් යනාදියෙන් මෙඩිසන් නගරයේ තරුණ දිස්ත්‍රික් නීතීඥවරයාගේ දෛනික රාජකාරී කටයුතුවලට බාධා ඇති වන්නේ කෙසේ ද?. මේ ඔහුගේ සිවු වන අබිරහස් අන්දරයයි.