‘මට ඇත්ත කියන්න. ඇයි අයියේ ඔයා මට මෙහෙම කරන්නෙ? විශ්වවිද්‍යාලෙ ගියා ම එයාට උඹව ලේසියෙන් ම අමතක වේවි කියල හැමෝ ම කිව්වා. ඒත් මං හිතුවෙ නෑ මේ තරම් ඉක්මනට ඔයාට මාව එපා වේවි කියලා. ඇයි ඔයා මට මෙහෙම කළේ?” ඇය වෙව්ලන ඇඟිලි තුඩුවලින් ඔහුගේ මුහුණ ස්පර්ශ කරන්නට උත්සාහ කළා ය.

"මට දරාගන්න බෑ. මාව අඬලා ම මැරේවි.” ඇය ඔහුගේ උකුළ මත මුහුණ හොවාගෙන හඬන්නට පටන් ගත්තා ය.

ඇයට හඬන්නට ඔහු මඳ වේලාවක් ඉඩ හැරියේ ය. අනතුරුව උරහිසින් ඔසවා ඇයව තමාට සමීප කරගෙන අනුෂ්කි පිළිබඳ සියල්ල ඇයට කීවේ ය.