තමා විවාහයක් සිදුකර ගතහොත් පුත් කුමරෙකු බිහි වූ පසු ඔහු ද බලය ලබා ගැනීම උදෙසා කුමක් සිදු කරාවි දැයි නොදන්නා සොව්රින් අධිරාජයා ඒ හේතුව නිසා ම විවාහයක් සිදුකර නොගෙන තනිව රජ සැප භුක්ති විඳිමින් එලෙස තුන් ලොව ම පාලනය කිරීමට සැරසෙන්නේය. ආරොන් රජු හමුවේ පරරාජය නොවී ඩාක්ලිං රජු මේ වන තෙක් ජීවත් වූවා නම්, ඩාක්ලිං රජු සේම බල පිපාසයෙන් පෙළෙන වේරින් අදිරාජයා ඩාක්ලිං රජු ඝාතනය කොට වුව ද බලය ලබා ගැනීමට පෙළඹෙන බව ඔහු දන්නා බැවින් තමාට ද කිරුළෙහි උරුමකරුවෙකු බිහි වුවහොත් ඔහු ද එය ම කිරීමට පෙළඹෙන බව ඔහු විශ්වාස කරන්නේය. එලෙස විශ්වාස කරන ඔහු තනිව තුන් ලොව ම පාලනය කිරීමට සිහින දකිකද්දී තුන් ලොව ම ඔහුට නතු වීම වැළැක්වීම පිණිස කටයුතු කිරීම උදෙසා ඇන්ගස් රජු හා ලුසින්ඩා සාමාන්‍ය වැසියන් මෙන් වෙස්වළාගෙන මේ වන විටත් ධවල දේශය වෙත පැමිණ සිටින්නේය.