“අපිට කවදාවත් ඉන්දියාව සමගවත් එහි ජනතාව සමගවත් ගැටුමක් තිබුණේ නෑ. අපිට තිබුණේ යම් යම් කාල වකවානු තුළ ඉන්දියානු රජයෙන් ගත් තීරණත් ඒ වගේම ලංකා රජයෙන් ඒ සඳහා ගත් ප්‍රතිචාරවලට අපේ ක්‍රියාමාර්ගත් පමණයි. අපේ විවේචනයට භාජනය වුණේ ජාත්‍යන්තර සබඳතා යනු ඕනෑම දෙයක් පිළිගැනීම හෝ යටත් වීම නොවේ.

හෙටත් ඉන්දියානු රජයේ ආර්ථිකමය හෝ දේශපාලන වශයෙන් අපේ රටට අහිතකර ක්‍රියාමාර්ග එනවානම් ඒවා විවේචනය කිරීමටත් ප්‍රතික්ෂේප කිරීමටත් සාකච්ඡා කිරීමටත් අපි පසුබට වෙන්නේ නෑ. ජාත්‍යන්තර සබඳතා යනු ඒකම තමයි. තව රාජ්‍යයක් විසින් අපේ රටට එල්ල කරන මුලු න්‍යාය පත්‍රයටම යටත් වීම නෙවෙයි විය යුත්තේ. සාකච්ඡාව, එකඟවීම එකඟ නොවීමයි එතුල තිබෙන්නේ...”