‛රූ... රූ... රූ...’” ස්වරයෙන් මහ හඬ නංවමින් බුලත් තට්ටුව මතින් මතුවූයේ කුමක්ද? ඒ රුදුරු, භයානක, රතුවන් ඇස් ඇති සාමාන්‍ය බඹරෙකුට වඩා දෙගුණයක් පමණ පෙනුමෙන් විශාල බඹර පිල්ලියයි. විල්ලියා වටේ තුන් වරක් ගමන් කළ පිල්ලිය මහත් හඬ නංවමින් නොපෙනී යන ආකාරය විල්ලියා බලා සිටියේ දෑත් පිරිමදිමින් අපමණ සතුටකිනි. තමාට වචනයකින් හෝ එරෙහි වන කාටවත් සමාවක් නොදුන් විල්ලියා ඔවුන්ගෙන් පළිගෙන කුරිරු සතුටක් ලැබීය. ඔහුගේ දෑස්වලත් නලියන මස් පිඬුවලත් ඒ කෲරත්වය මොනවට ප්‍රකාශ විය.