භව බන්ධන

සුරවීර සහ අපර්ණා සිනාසෙමින්, මුකුළු කරමින් කොරිඩෝව දිගේ කෑම කාමරය වෙත එන අයුරු ඛේමා සැඟවී බලා උන්නේ වියරුවෙන්ය. ඔවුන් දෙදෙනා කොරිඩෝව දිගේ යන පසු පස ඛේමා ලුහුබදිමින් සිටියේ හෙරක මෙන්ය.

රත් පැහැ රාත්‍රී ඇඳුමකින් සැරසී සිටි අපර්ණා ඇගේ දණහිස තෙක් දිගු වරලස උනා දමා ඇත්තේ තෙත කොන්ඩය දිගේ තවමත් වතුර බිඳිති බේරෙන නිසා විය යුතුය. අපණාගේ සඳවන් මුහුණට වැටී තිබුණු කෙස් රොදක් සුරවීර විසින් කන මුල රැන්ඳුවේ කොරිඩෝව මැද නතර වීය. ඔවුන් පසුපස ලුහුබඳිමින් සිටි ඛේමා මේ සියල්ලම බලා සිටින බව කිසිවෙකුත් දැන සිටියේ නැත.