දරිද්‍රතාව සහ දරිද්‍රතාව පිටු දැකීම පිළිබඳව සිදු කරන මේ විග්‍රහයෙන් 'දරිද්‍රතාව යනු සැබවින් ම දේශපාලන සහ සමාජ සංසිද්ධිවලින් පැනනගින්නකි' යන්න හඳුනාගැනීමට උත්සහ දැරිණි.එබැවින් වර්තමානයේ මුහුණ දෙන බොහෝ ගැටළු වලදී මෙන් දරිද්‍රතාව පිටු දැකීම වැනි ප්‍රශ්නවලට පිළිතුරු දීමේ දී ද එහි ඇති දේශපාලනික වැදගත්කකම හඳුනාගනිමින් ඒ්වාට දේශපාලනික පිළිතුරු දීම අවශ්‍ය ය යන්න මේ කෘතියෙන් මතු කරන ප්‍රධාන තර්කය වෙයි.කුමක් නිසාද යත් දරිද්‍රතාව සහ අසමානත්වය යනාදී ප්‍රශ්න වලට පිළිතුරු දීමේදි එහි ඇති දේශපාලිනක පිළිතුරු දීම අවශ්‍ය වන බැවිනි.එමෙන්ම සම්පත් භාවිතයට අදාල ව තීරණ‌ ගෙන තිබෙන ආකාරය දේශපාලන බලය සමඟ සම්බන්ධ වන බැවිනි.රටක පාලකයන් මෙන් ම සෙසු ප්‍රතිපත්ති සම්පාදකයන් ද දේශපාලන ශාස්ත්‍රීය ලෙසින් (දේශපාලන විද්‍යාව) හැදෑරීමේ ඇති වැදගත්කම පසක් කරගැනීමට මේ පොත් පිංචෙන් මා මතු කරන මේ සංසිද්ධිය ම පමණක් ප්‍රමාණවත් වන බව නොඅනුමාන ය.