<p>“සර් මගෙ නම උපසේන. මම මහනුවර ශාඛාවේ වැඩ කරන්නෙ. මාව ලබන සුමානෙ ඉඳලා මාරුකරලා අම්පාරට”</p>

<p>“ඉතින්?"</p>

<p>“මගෙ මාරුවීම කැන්සල් කරගන්නයි මම ආවෙ සර්. පවුලට බබෙක් හම්බවෙන්න ඉන්නවා. ඉස්සරෝම ළමය. මේ දවස්වල මම කොහොම හරි ගෙදර ඉන්න ඕන”</p>

<p>“තමුසෙගෙ පවුලට බබෙක් හම්බ වෙන්න ඉත්තව. තවත් කෙනෙකුගෙ අම්මා අසනීපෙන්. තවත් මිනිහෙකුගෙ තාත්තා ලෙඩින්. ඔය විදිහට අපට කිසිම කෙනෙක් කොහාටවත් මාරු කරන්න ලැබෙන්නෙ නැහැනෙ. මම දීල තියෙන නියෝගයක් කවදාවත් වෙනස් කරන්නෙ නැහැ. ඒක මගේ ප්‍රතිපත්තියක්. රස්සාව ඕන නම් අම්පාරෙට යනව. එහෙම නැත්නම් හාමිනෙත් එක්ක ගෙදරට වෙලා ඉන්නවා. ආයෙ මෙහෙ එන්න එපා”</p>