හීන තමයි මිනිස්සුන්ව ජීවත් කරවන්නෙ. හීන හට ගන්නෙත්, ඒවා පැළ වෙලා වැඩෙන්නෙත්, අපේ හදවත්වල වුණත්, ඒ හීනෙ ප්‍රතිඵල ලැබෙන්නෙ අපේ ජීවිතවලට. ඒ හින්දයි අපි ගොඩනඟන හීන අපේ ජීවිතවලට හුස්ම තරමටම වටිනව කියල කියන්නෙ. අපි පොළොව හාරලා, බීජයක් ඉන්දලා මොකුත්ම නොකර හිටියොත් ඒ බීජය පැළ වෙන්නෙ නෑ. ඒ වගේම අපි ඉන්දන බීජයට දවස තිස්සේම වතුර, පොහොර දදා හිටියොන් ඒ බීජය මැරිල යනවා ඒව දිරව ගන්න බැරිව. අපේ හදවතේ පැළ කරන හීනත් අන්න ඒ වගේ. අපි හීන ගොඩනඟන්න ඕන අපිට දරා ගන්න පුළුවන් තරමට. එහෙම නොවුණොත් අජේ ජීවිතේට අත් වෙන්නෙත් අර ඕනවට වැඩිය වතුර සහ පොහොර දාපු බීජයට අත් වුණ ඉරණමම තමයි.