ශ්‍රී ලංකාවේ මැතිවරණ පරිපාලනය සහ 1987-89 මැතිවරණ ප්‍රචණ්ඩත්වය

මේ කෘතියේ අරමුණ වුයේ ශ්‍රී ලංකාවේ නියෝජ්‍ය ප්‍රජාත්‍රන්තවාදය පවත්වා ගැනීම අරභයා මෙරට මැතිවරණ පරාපාලන යාන්ත්‍රණය විසින් ක්‍රියාවට නංවන භූමිකාව පරික්ෂා කිරිමයි.මෙහිදි මැතිවරණ විරෝධි ප්‍රචණ්ඩත්වයකට මුහුණ දී තිබෙන අවස්ථාවක සාධාරණය හා නිදහන් ඡන්ද විමිසිමක් පැවැත්වීම පිණිස මැතිවරණ පරිපාලන යාන්ත්‍රණය විසින් සාක්ෂාත් කරගැනිය යුතුව තිබෙන සහ ඊට අතිරේක වශයෙන් දේශපාලන ක්‍රමය තුළ සපුරාගත යුතුව තිබෙන කොන්දේසි හඳුනා ගැනීම ද සිදු කෙරණි.මේ අරභයා 1988-1989 කාලපරිච්ජේදය තුළ පවත්වන ලද පළාත් සහා ඡන්ද විමිසීම, ජනාධිපතිවරණය සහ පාර්ලිමේන්තු මැතිවරණ යන ඡන්ද විමිසීම්වලට එරෙහිව ජනතා විමුක්ති පෙරමුණ සහ එල්.ටී.ටී.ඊ.සංවිධානය විසින් ක්‍රියාවට නංවන ලද ප්‍රචණ්ඩත්වය මඟින් මැතිවරණ පරිපාලනයට සිදු වු බලපෑම පිළිබඳව විශ්ලේෂණයක යෙදුණි.