කුඩා ෆිලිප් තනි වන්නේ තම එකම ඥාතියා වූ වැඩිමල් සොයුරිය හෙලන් විවාහ වී මධුසමය ගත කිරීමට විදෙස් ගත වූ පසුය. ඔහුට කුඩා ලුසීගේ ඇසුර ප්‍රිය වන්නේ නැත. ඔහු නපුරු ආයා කෙනකුගේ හිරි හැර ඉවසමින් තම අතට හසුවන පොත්, ඉටිපන්දම් රඳවන, පිඟන් කෝප්ප ආදිය යොදා ගනිමින් නගරයක අනුරුවක් තනයි. හදිසියේ ඔහුට වැටහෙන්නේ තමා එම නගරය ඇතුළත සිටින බවය. ඔහු ටින් සොල්දාදුවන්ගේ අත්අඩංගුවට පත් වෙයි. බිහිසුණු මකරකු වෙතින් දැරියක බේරාගැනීමේ කාර්යය ඔහුට පැවරෙයි. රාජාලි හිසක් සහිත අශ්වයා පිට පැමිණෙන විනාශකාරී කාන්තාව කවරෙක්ද? ඔහු බිහිසුණු සිංහයන්ගෙන් මුහුදු වාසීන් බේරාගන්නේ කෙසේද? අමුතු ආකාරයක නැව තනන්නට නෝවාගේ උපකාර කුඩා ෆිලිප්ට ලැබේවිද?