ජීවිතය නම් මේ ය. බෙදා ගත නොහැකි කිසිවක් මෙහි නැත. බැලූ බැලූ අත ඉතිරී පැතිරී ඇත්තේ ආදරය ම පමණි. එය එකිනෙකා වෙත වූ පුද්ගලික ආදරයක් නොවේ. මෙ ලොව ඇති විය හැකි උතුම්ම ආදරය යි. හදවතකින් හදවතකට ගලා හැලෙන ඒ කොන්දේසි විරහිත ආදරයෙන් ඔවුන් සියලු දෙනා එකාවන්ව මත් වෙමින් සිටියහ. 

සැබැවින් ම ඔවුන් සිටියේ මේ මහ පොළොව මත නොවේ. ඔවුන්ගේ සිතිවිලි අනෙකා කෙරෙහි බැඳි ආදරයෙන් පිරී ඉතිරී පැවතිණි. ආදරය ආදරය ම විනා අන් කිසිවක් අපේක්ෂා නොකරයි, ආදරය කිසිවෙකුටත් අයිති කරගන්නට ද නොහැකිය. ආදරය ආදරය මිස අන් කිසිවක් අයිති කර නො ගනී.