නැවතුමක අබියස

"මට හරිම පුදුමයි සර්..”

‛මොකක්ද..?”

''දර්යා වගේ කෙනෙක්ව මැරි කරන්න යන එක..”

“මොකක්ද ඒකෙ තියෙන පුදුමය..?”

"ඒ වගේ ප්‍රශ්නයක් වුන කෙනෙක්වම ඇයි සර්..?”

''ඒක ඒ ළමයගේ වැරැද්දක් ද රුවන්.. රේප් වුන එක එයාගේ වැරැද්දක් නෙවෙයි.. එයා හිතලා කරපු දේකුත් නෙවෙයි. ආසාවෙන් සිද්ද වුන දේකුත් නෙවෙයි.. කිසිම දවසක අෆෙයාර් එකක්වත් තිබුනෙ නැති කෙනෙක්ට,, මේ වගේ දෙයක් සිද්ද වුනොත්,, ඒ කෙනාගේ ජීවිතේ එතනින් ඉවර වෙන්න ඕනිවත්,, නතර වෙන්න ඕනි කියලාවත් දෙයක් නෑ රුවන්.. දවසක බැඳලා,, දරුවෝ හදලා,, ලස්සන පවුල් ජීවිතයක් ගත කරන්න එයාලට අවස්ථාව තියෙන්න ඕනි.. සමාජයේ මිනිස්සු කරන වැරදි වලට,, මේ වගේ ළමයි දඬුවම් විඳින්න ඕනි නෑ..”