අළු පැහැති දවසක

මිනිසුන්ට ජීවිතයේ එකම ලෙසින් දින උදාවන්නේ නැත. මා දකිනා පරිදි මිනිසුන්ට උදාවන්නේම අළු පැහැති දිනයන් ය. එවන් දින කළු පාටද නැත. සුදු පාටද නැත. සුදු සහ කළු වර්ණයන්ගේ එකතුවෙන් සෑදෙන අළු වර්ණයෙන් යුතුය.

හොඳම දවස් මෙන්ම නරකම දවස් ද ජීවිතයේ උදාවිය හැක. ඒ සියල්ල සම සිතින් දරා ගන්නා සෑම දිනයක්ම අළු පැහැති දවසකි.

ඔරායා සේනාධිරගේ ජීවිතය පටන් ගැන්ම ම කළු පැහැතිය. ඇය දරාගන්නට හුරු වූවා ය. ඉන්පසු ඇයගේ ජීවිතයේ බොහෝ දිනයන් වල උදාවූයේ අළු පැහැති දවස් ය. මහා සෙනඟක් මධ්‍යයේ ලද දරුණු කම්මුල් පහර පවා ඇය, දත්මිටි සපා ගනිමින් දරා ගත්තේ එහෙයිනි.