නිල් අහස මගේ

අහස් මින්දිනී,

සෙංකඩගල අහස යට හිත් තරු කැට අහුලාන යන්තමින් සැනසෙන්න මඟ බැලූ මේ හිතටම හීත් පියවර තියා සඳවතිය නුඹ වැඩියාද කප්පරක පෙම ඔය දෝත දරාගෙන..

හිරුට සදුට කියා නුඹ ඉල්ලාත රැකගන්න පණ කෙන්ද සේ හැමදාම මා පැතූ පැතුම් නුඹ ගැන හැම හුස්මකම දැනුනාද ප්‍රේමියේ දළදා වීදියේ පියවරක් පුරාවට..

අමාවක අහසක් මවා මේ හිත සීරුවට දිනෙක සමුගෙන විරහව උගන්නා තුන් හිතට තැවුණ තරම මා ඇසෙහි මවා උණු කඳුළු කැට නොදත්තෙමි සුහදිති නුඹද විදෙව්වා මා තරමටම..

දෛවයේ තාරුකා පිලිවෙලට වෙනස් කොට සෙනෙහස පසක් කොට හදවත පුරා සදහට නුඹ තැබුවාට මගේ ඉරණම් මංසලේ හරි මැදක අද විඳිමි ලබැඳියේ නුඹයි නිල් අහස මට..

-අහස්-