පැරණි ලක්දිව වස්ත්‍රාභරණ

මාලිංග අමරසිංහ 

ජ්‍යෙශ්ඨ කථිකාචාර්ය

පුරාවිද්‍යා අධ්‍යයන අංශය 

කැලණිය විශ්වවිද්‍යාලය

ඇඳුම් ඇඳීමෙහි මූලික අරමුණ කවරක් වුවත් බොහෝ කලක සිට ඇඳුම් භාවිතයට ගනු ලැබුවේ සිරිතක් ලෙසිනි. සමාජ ක්‍රමයන්හි දක්නට ලැබෙන සංකීර්ණ ස්වභාවයන් හේතුවෙන් ඇඳුමෙහි උපයෝගීතාව ශරීරයේ ආරක්‍ෂාවටත් වඩා විලාසිතාවක් මෙන් ම සමාජ සංස්ථාවේ උස් මිටිකම් හඟවන ප්‍රකාශන මාධ්‍යයක් ද විය.

කල්යාමේ දී විවිධ මෝස්තරවලින් සංකීර්ණ වූත්, අලංකාර වූත් ඇඳුමෙහි විසිතුරු බව තවත් ඔපවත් කර ගත්තේ ඊට වඩාත් ගැලපෙන ආකාරයට සැකසූ වෙනත් ආයිත්තම් ද භාවිත කිරීමෙනි.

අවුරුදු දහස් ගණනක් තුළ විවිධ ප්‍රදේශවල විවිධ සමාජ සංස්ථාවන්හි දක්නට ලැබුණු වස්ත්‍රාභරණ, අතීත ජනතාවගේ නිර්මාණශීලී සිතුවිලි පිළිබඳ ව අනාවරණය කරන්නේ ද විසිතුරු කතාවකි.