“සමාජය ඉස්සරහ කොච්චර ලොකු පෞරුෂයක් තිබුණත් මම ආදරේ ඉස්සරහ අපේ අම්මටත් වැඩිය සාම්ප්‍රදායික ගෑනියෙක් අනූ. මට ඔයාගෙ ආදරේ වැඩිපුර දැනෙන්නේ ඒ ආත්මාර්ථකාමී කම ඇතුළෙ. මේ ලෝකේ හැම ගෑනියෙක් මිනිහෙක්ගෙ ඇතුළෙම අතිශය ආත්මාර්ථකාමී පෙම්වතෙක් ජීවත් වෙනව. මගේ වුණත් එහෙමයි. වෙනස කියන්නෙ ඔයා ඒක කෙලින්ම පෙන්නනවා. මම ඔයාව විශ්වාස කරලා නිහඬව ඉන්නවා..” රාධි “දන්නවද… මට මේ දවස් හතරටම හරියට නින්ද ගියේ ඔයාගෙ කොට්ටෙට ඔලුව තියාගත්තම. මම ඇත්තටම දැනගෙන හිටියෙ නෑ ගෑනියෙක් ළඟ මිනිහෙකුට එහෙම නිමෙන්න පුළුවන් කියලා. එහෙනම් මම මීට කලින් ඔයාව හොයාගන්නෙ.” අනූ