මම මැඩම්ගේ අතින් මගේ නිවාඩු ඉල්ලුම්පත්‍රය ගන්න හදද්දි මගේ අත වැදිලා මැඩම්ගේ මේසේ උඩ තිබුණ පැන්සල් රඳවනය බිම වැටුණා. ඒකෙ තිබුණ පෑන් පන්සල් බිම සී සී කඩ විසිරුණා. මම මැඩම්ට සොරි කියලා ඒවා අහුලන්න බිමට නැමුණා. මැඩම්ගේ මේසෙ යටින් මට ඇගේ කකුල් දෙක පෙනුණා.

ඒත් ඒ කකුල් දෙක...

ඊයා... ඒවායේ කැත. සතෙක්ගේ වගේ කොරල පිරිලා.

මැඩම් එක පාරටම සාරියෙන් කකුල් වහ ගත්තා. මට මේක පුදුමාකාර ගැටළුවක්. මම මැඩම්ගේ කකුල් මීට කලින් දැකල තිබුණා. ඒ දකිද්දී ඒවා තිබුණේ සාමාන්‍ය විදියට.

"දෙයියනේ මේ ගෑනු මනුස්සයා ලස්සනට ඉන්න එක එක දේවල් කරනවනේ. ඒ බේතක් හරි ක්‍රීම් එකක් හරි විස වෙලාවත්ද?”