"ෂා... ඉන්දිකා මිස් ඔයාගේ මාලේ නම් හරිම ලස්සනයි.” මං ඉන්දිකා පැත්තට මදක් නැඹුරු වුණේ ඒ මාල පෙත්ත තවත් හොඳින් නරඹන්න. ඒක ඇතුලේ මොකක්ද තියෙන්නේ කියල දැනගන්න මට ලොකු කුතුහලයක් ඇති වුණා. ඒ හින්දම මං ඒ මාල පෙත්ත ඇඟිලි දෙකකින් අල්ලලා ඒ පැත්ත මේ පැත්ත හරවල බැලුවා. ඒක හදල තිබුණේ විනිවිද පෙනෙන ආකාරයට. ඇතුලේ හිටියෙ මොකෙක්ද කෘමියෙක් වගේ සතෙක්. ඒ වගේ එකෙක් මාල පෙත්ත ඇතුලේ හිර වෙලා ඉන්නවා දැකල මට පුදුම හිතුණා. "මොකෙක්ද අනේ මේක ඇතුලේ ඉන්න සතා?”