මනේකා කෙළවරට වෙන්න තිබුණ දොර වහල දාපු කාමරය ඉස්සරහ හිටගත්තා.

මොකද මේ කාමරය විතරක් වහල දාලා තියෙන්නේ? දොර අගුලු දාලා නෑ වගේ... මේ අත තිබ්බහම තල්ලු වුණේ. බලමු මේක ඇතුළෙ මොනවද තියෙන්නෙ කියලා.

මනේකා වහලා තියෙන දොර තල්ලු කරගෙනම කාමරේ ඇතුළට එබුණා. දැක්ක දේ නිසා මනේක්කාට තමන්ගේ ඇස් අදහාගන්නත් බැරි වුණා. ඒ කාමරය පුරවලා තිබුණේ රෙදි සාප්පුවල තියෙන ජාතියේ ඩමී වලින්. මනේකාට එක පාරටම හේලිකාගේ ලපයා, සිරිමෙවන් මතක් වුණා. එතන එක එක විදියේ ඩමී විශාල ප්‍රමාණයක් තිබුණා.

දෙයියනේ... මේ වලව්ව ඇතුළේ මොකටද ඩමීස් මෙච්චර ගොඩක් තියෙන්නේ?