දේදුණු වර්ණයෙන් නිකුත් කරන අමුතුම ආකාරයේ යානාවක් ඉහළ ආකාශයේ දර්ශනය වන බව රූපවාහිනියේ හා ගුවන් විදුලියේ විශේෂ ප්‍රවෘත්ති වලින් ප්‍රචාරය විය. තමා ජිවත් වන නගරයට ආසන්න කැලෑබද පෙදෙසට ඉහළින් තිබෙන මෙම යානාව දැක බලා ගන්නට බොහෝ දෙනා සැදී පැහැදි බලා සිටියහ. තම දියණිය අතුරුදහන් වු දිනයේ දිස් වු අපුරු දේදුන්න පිළිබඳව වේරගොඩ මහත්මියට සිහිපත් විය. තම ජිවිතයේ කිසිම දිනෙක නොදුටු ආකාරයෙන් දිස්වු ඒ විස්මිත හා මායාකාරි දේදුන්නත්, මේ දර්ශනය වනවා යයි පවසන යානාවත් අතර යම් සම්බන්ධතාවයක් පවතීද?