"සිහියෙන් ඉන්න ආදිත්‍ය.. මං ඉස්සර හිටපු හසු නෙවෙයි.. ඔයාගේ හසු නෙවෙයි.. මං දැන් බැඳපු ගැනියෙක්.. මං කසාද බැඳපු ගැනියෙක්.. ඔයාට තේරෙනවද..? මං.. දැන්.. ගැනියෙක්. මං දැන් ඔයා කියන ඔය ඔයාගේ පොඩි කෙල්ල නෙවෙයි.. මං තවදුරටත් ඔයාට ආදරේ කරන්නෑ.. ඒ.. ඒක ඔයා තේරුම් ගන්න..ම්..මං ඔයාට ආදරේ කරා.. ඒ ඉස්සර. දැන් නෑ.. ඒ ආදරේ මගේ හිතේ දැන් නෑ.."

හසඟනා කියද්දී ආදිත්‍ය ඇගේ මුහුණට එබුනේ කට කොනකින් හිනැහෙමිනි.

"ඇත්තද මැණික.. ම්.. මට ආදරේ නැද්ද..? දැන් ඒ ආදරේ හිතේ නැද්ද..? ම්.. ඒකද මේ මං කවදාවත්ම ගලවන්න එපා කියපු මාලේ තාමත් ඔය කරේ තියෙන්නේ ආ..ඉ ඒකද.? නැත්නම් යූ කැපිටල් එකේ ඕනගේ වයිෆ්ට ඩයමන්ඩ් නෙක්ලස් දාන්න පුලුවන්කම තියෙද්දී නොදා මේ දුප්පත් මාලෙම දාන්නේ ගලවන්න අමතක වෙලාද..?”