එක්වරම අඩ අඳුරේ ඇගේ නෙත ගැටුණේ බරාඳයේ කෙළවර වූ විශාල යකඩ දොරකි. එය දුටු සැණින් රොමීනාගේ සිත යළි කුතුහලයෙන් පිරී යන්නට විය. ඇය සිතේ වූ බිය පසෙක දමා එම දොරටුව වෙත පියමනින්නට වූවාය. දොරටුව වෙත ළංවත්ම එහි වූ විවිධ කැටයම් එකිනෙක මනාව දිස්වන්නට විය. ඇය ඒ දෙස විමතියකින් බලා සිටියාය. එහි වූයේ ඉපැරණි රෝම ලාංඡන කිහිපයක් සහ රෝම අක්ෂරය. රොමීනා මනසින් එය කියවූවාය. "අවවාදයයි! ශාපලත් කුමාරයාගේ අඩවියයි. ඇතුළුවන්නා ඔහුගේ ශාපයේ කොටස්කරුවා වන්නේය. මරණයේ දූතයා වන්නේය."