ශ්වේත මුතු හංසනී

මගේ කෙල්ල, ඔයා මේ අබ්බගාත ඉන්දිරට අකමැති නම් කෙළින්ම අකමැතියි කියන්න.. තේරුණාද.. කොහොමත් මට නැගිටින්නම ඕනේ තාරා. මම මේ කාමරයෙන්, මේ අඳුරු ලෝකයෙන් එළියට යන්නම ඕනේ. දන්නවද මගේ ඒ අරමුණට ඔයා තරම් සපෝර්ට් කළ හොඳ කෙනෙක් මට මෙච්චර කාලයකට මුණගැහිලා නැහැ. ඒ සිතුවිල්ල ආදරයක් වෙන තරමට විශේෂ වුණේ එහෙමයි තාරා. සමහරවිට දැනුණු පළවෙනි මොහොතෙම මට ඔයාව පුදුමාකාර තරම් විශේෂ වෙලා දැනුණේ සමහරව්ට ඒ මගේ ලෝකේ ගෙවුණු අවුරුදු තුනම රෝද පුටුවකට කොටුවුණු නිසා වෙන්න ඇති. ඒ වගේම මට අපේ සිතුවිලිත් එක සමානයි වගේ දැනෙනවා තාරා”