සුගතිය සහ නිවන ඔබට මොන තරම් මුදල් හා සියලු සැප සම්පත් තිබුණත් ඔබ වයසට යාම නතර කරන්න පුළුවන් ද? වයස අසූවන කෙනෙකුට හැටක පමණ පෙනුමක් ලබා ගත හැකි ක්‍රම අද වන විට පවතින්නට පුළුවන. නමුත් ඒ මොනවා කළත් ඔබට වයසට යන එක නතර කර ගන්නට බැරි ය. එසේනම් එය දුකකි. ඒ වගේම ඔබට මොන තරම් මුදල් හදල් තිබුණත් ඔබට කිසිදා ලෙඩක් නොහැදී සිටින්නට පුළුවන් ද? මොන තරම් සැප සම්පත් තිබූණත් දිනෙක ඔබ මිය යාම නතර කර ගන්නට පුළුවන් ද? සුගතිය හොඳ ය. නමුත් එහි තිබෙන ගැටලුව සැප දෙන්නේ එහි පසෙකින් මෙලෙස දුකක් ද එල්ලමින් ය. ඒ නිසා සුගතිය යනු පරම සැපයක් නොවේ. සැප ඇත්නම් දුකක් ද පවතින බව බුදුරජාණන් වහන්සේ පැවසුවේ එබැවිනි. සැපත් නැති දුකත් නැකි පරම සැපය නිවන ය.